ලොව පුරා සිටින සියළුම Twitter සේවකයන් හට නිවසේ සිට වැඩ කරන ලෙස Twitter සමාගම නියෝග කරයි
මේ දින වල ලොව පුරා සීඝ්‍රයෙන් පැතිර යන COVID-19 වෛරසය නිසාවෙන් නැවත දැනුම්දීමක් සිදු කරන තුරු ලොව පුරා සිටින සියළුම Twitter සේවකයන් හට නිවසේ සිට වැඩ කරන ලෙස Twitter සමාගම නිවේදනයක් නිකුත් කර තිබෙනවා.
මීට පෙර නිවෙස් වල සිට වැඩ කරන ලෙස ඉල්ලා සිටීමක් සිදු කර තිබුණත් මේ වන විට එය නියෝගයක් බවට පත් කර ඇති අතර නිවසේ සිට තමන්ට අදාල කාර්යයන් සිදු කිරීමට නොහැකි වන්නේ වුවත්, එම පුද්ගලයන් හට නොකඩවා පඩි ගෙවීමට Twitter සමාගම තීරණය කර තිබෙනවා.
මීට අමතරව නිවසේ රාජකාරි ස්ථානයක් සකසාගැනීමට අවශ්‍යය වන්නේ නම්, ඊට වැය වන මුදල් නැවත් Twitter සමාගම හරහා ලබාගැනීමේ හැකියාව ලැබෙන වැඩපිළිවෙලක් ද හඳුන්වාදීමට ඔවුන් කටයුතු කර තිබෙනවා.
මේ වන විට Apple, Amazon, Microsoft සහ Google වැනි තාක්ෂණික සමාගම් විශාල ප්‍රමාණයක මේ නියෝගය ඇතැම් ප්‍රදේශ වල ක්‍රියාත්මක වන නමුත් 4,900ක් පමණ වන Twitter සමාගමේ මුළු සේවක පිරිසටම බළපැවැත්වෙන පරිදි Twitter සමාගම මේ නිවේදනය නිකුත් කර තිබෙනවා.
මෙවැනි තොරතුරු දිනපතා දැනගන්න, අපේ YouTube Channel එක Subscribe කරලා තියාගන්න.
Our Socials
